1-ლი დეკემბრიდან "ეროვნული ფორუმი" რეგიონებში პარტიული ორგანიზაციების დაფუძნებას იწყებს. ათი დღის განმავლობაში "ეროვნული ფორუმი" რეგიონებში პარტიის რაიონულ და საქალაქო ორგანიზაციებს დააფუძნებს. პირველი დამფუძნებელი კონფერენცია ფოთში გაიმართება.
15:00 საათზე ფოთში, აღმაშენებლის ქუჩაზე მდებარე დარბაზ "ნატალიში",
"ეროვნული ფორუმის" ფოთის საქალაქო ორგანიზაციის დამფუძნებელი კონფერენცია გაიმართება, რომელსაც პარტიის თავმჯდომარე კახაბერ შარტავა, გენერალური მდივანი რევაზ შავიშვილი და თბილისის ორგანიზაციის თავმჯდომარე გუბაზ სანიკიძე დაესწრებიან.
კონფერნციაზე მოხდება პარტიის ფოთის ორგანიზაციის თავმჯდომარისა და ბიუროს არჩევა. თავმჯდომარის პოსტზე წარდგენილი იქნება დავით სარსანია.
მომდევნო დღეებში დამფუძნებელი კონფერენცია შემდეგი გრაფიკით გაიმართება:
2 დეკემბერს, 14:00 საათზე - წალენჯიხის რაიონული ორგანიზაციის დაფუძნდება;
4 დეკემბერს - საგარეჯოს რაიონული ორგანიზაცია;6 დეკემბერს, 12:00 საათზე - ონის რაიონული ორგანიზაცია; 6 დეკემბერს, 14:30 საათზე - ამბროლაურის რაიონული ორგანიზაცია; 7დეკემბერს, 12:00 საათზე - ლენტეხის რაიონული ორგანიზაცია;
7 დეკემბერს, 14:30 საათზე - ცაგერის რაიონული ორგანიზაცია; 9 დეკემბერს, 14:00 საათზე - ყვარლის რაიონული ორგანიზაცია; 11 დეკემბერს, 13:00 საათზე - საჩხერის რაიონული ორგანიზაცია; 14 დეკემბერს, 14:00 საათზე - ადიგენის რაიონული ორგანიზაცია.
