ლეიბორისტული პარტიის ლიდერის, შალვა ნათელაშვილის განცხადებით, გაეროსადმი მიმართვას საქართველოში არჩევნების გაეროს ეგიდით ჩატარებასთან დაკავშირებით ოპოზიციის ლიდერები ხელს იანვრის დასაწყისში მოაწერენ.
შალვა ნათელაშვილის განცხადებით, ხანგრძლივი პაუზის შემდეგ ეს ერთადერთი საკითხი აღმოჩნდა, რომლის ირგვლივაც ოპოზიცია გაერთიანდა.
ნათელაშვილის განცხადებით აღნიშნულ საკითხთან დაკავშირებით პირველი კონსულტაციები მან აშშ-ში გამართა, ოპოზიციასტან კონსულტაციები კი მეორე ეტაპი იყო.
ნათელაშვილის განცხადებით, საქართველოში გაეროს ეგიდით არჩევნების გამართვას საქართველოს მთავრობის ნებართვა არ სჭირდება. ლეიბორისტული პარტიის ლიდერის განცხადებით, ამისათვის ოპოზიციური პარტიების მიმართვა სრულიად საკმარისია.
ლეიბორისტული პარტიის ლიდერი გაეროს ეგიდით საპრეზიდენტო და საპარლამენტო არჩევნების არჩევნების გამართვას ვარაუდობს. რაც შეეხება თვითმმართველობის არჩევნებს, ნათელაშვილის განცხადებით, ის ლეიბორისტული პარტია თვითმმართველობის არჩევნებში მონაწილეობას არ მიიღებს.
