ინფექციური საავადმყოფოს ადმინისტრაციის მხრიდან მედიისთის გამოვცხადებული ბოიკოტი, დამაზიანებელია მსგავს ვითარებაში, რომელიც კიდევ უფრო აძლიერებს პანიკას მოსახლეობაში და ასუსტებს მოქალაქეების ნდობას ჯანდაცვის სისტემისადმი, - აცხადებს „ჯი-ეიჩ-ენთან“ საუბარში კორონავირუსთან დაკავშირებით შექმნილ ვითარებასა და არსებულ გამოწვევებზე საუბრისას ჯანდაცვის სპეციალისტი, ჯანდაცვისა და სოციალური პოლიტიკის კვლევების ცენტრის დირექტორო სერგო ჩიხლაძე.
მისი თქმით, მსგავს ვითარებაში ინფორმაციის გამჭირვალობასა და მოსახელობისათვის მაქსიმალურად ამომწურავი ინფორმაციის მიწოდება ვალდებულებაცაა და აუცილებელიც.
„იმედს გამოვთქვამ, რომ მსგავსი არაადეკვატურ ქმედებებს ადგილი აღარ ექნება და საზოგადებასთან ურთიერთობის კუთხით უფრო ადექვატურ და კომპეტენტურ პირებს შეარჩევს ესა თუ ის სამედიცინო დაწესებულება. ინფორმაციის მიწოდება, ეს არის არა ვინმეს კეთილი ნება არამედ ამ უწყებების პირდაპირი ვალდებულება“, - ამბობს ჩიხლაძე.
თბილისის ინფექციური საავადმყოფოს სამედიცინო დირექტორმა “მთავარ არხს” ბოიკოტი გამოიცხადა და მოითხოვა, ტელევიზიას საბრიფინგო სივრცე დაეტოვებინა, წინააღმდეგ შემთხვევაში კომენტარს არ გააკეთებდა. “მთავარ არხმა” საბრიფინგო სივრცე არ დატოვა, რის გამოც მარინა ეზუგბაიამ არც ერთი ჟურნალისტის კითხვას არ უპახუდა და ტერიტორია თავად დატოვა.
„ბოიკოტს ვუცხადებ მთავარ არხს, დატოვოს საბრიფინგო სივრცე, თუ არადა, მე არ გავაგრძელებ განცხადებებს. შევთანხმდით? არ შევთანხმდით, კარგად ბრძანდებოდეთ", - თქვა ეზუგბაიამ და ტერიტორია დატოვა.
მთავარ არხზე გუშინ, 28 თებერვალს გავიდა სიუჟეტი, სადაც ინფექციურ საავადმყოფოში არსებულ პრობლემებზე იყო საუბარი. ჟურნალისტების ინფორმაციით, შენობაში ანტისანიტარიაა, პაციენტები "იძულებით დიეტაზე დასვეს" და მედპერსონალს შესაბამისი აღჭურვილობა არ აქვს.
