რუსეთის სახელმწიფო დუმამ პრემიერ-მინისტრის თანამდებობაზე მიხაილ მიშუსტინის კანდიდატურას მხარი დაუჭირა.
ღია კენჭისყრაზე, მიშუსტინს მხარი 383-მა დეპუტატმა დაუჭირა, წინააღმდეგ არავინ წასულა. თავი 41-მა დეპუტატმა შეიკავა.
მიშუსტინმა მადლობა გადაუხადა დეპუტატებს მხარდაჭერისთვის.
ახალი პრემიერ-მინისტრის კანდიდატურა ვლადიმერ პუტინმა სახელმწიფო დუმას მას შემდეგ წარუდგინა, რაც დიმიტრი მედვედევმა, მთავრობის სრული შემადგენლობის გადადგომის შესახებ განაცხადა.
მიხაილ მიშუსტინი 2010 წლიდან რუსეთის ფედერალური საგადასახადო სამსახურის ხელმძღვანელი იყო.
