აშშ-ის პრეზიდენტმა დონალდ ტრამპმა ჩრდილოეთ კორეის ლიდერს კიმ ჩენ ინს დაბადების დღე მიულოცა. მილოცვის გზავნილი ტრამპმა კიმ ჩენ ინს სამხრეთ კორეის ეროვნული უსაფრთხოების საბჭოს ხელმძღვანელის ჩონ ი იონის მეშვეობით გაუგზავნა.
"რვა იანვარს კიმ ჩენ ინის დაბადების დღე იყო, პრეზიდენტმა ტრამპმა გადმომცა კეთილი სურვილები და გამოთქვა იმედი, რომ ეს ინფორმაცია კიმ ჩენ ინს გადაეცემოდა... გუშინ შეტყობინება ჩრდილოეთ კორეაში გაიგზავნა", - განუცხადა ჩონ ი იონმა აეროპორტში ჟურნალისტებს აშშ-დან დაბრუნების შემდეგ.
ჩონ ი იონი ვაშინგტონში 7-10 იანვარს იმყოფებოდა, სადაც ამერიკელ და იაპონელ კოლეგებს ჩრდილოეთ კორეის მხრიდან საფრთხეების გაძლიერების თემაზე ესაუბრა.