ავსტრალიელი მილიარდერი ენდრიუ ფორესტი ტყის ხანძრებით დაზარალებულთა დასახმარებლად და ინფრასტრუქტურის აღსადგენად $48 მლნ-ს გამოყოფს. იუწყება Forbes-ი.
გამოცემის ინფორმაციით, 6.8 მლნ დოლარი გადაეცემა 1200 მოხალისისგან დაკომპლექტებულ "არმიას", რომელიც დაზარალებულ რეგიონებში მოსახლეობის დასახმარებლად არის მომზადებული.
თანხის დიდი ნაწილი მოხმარდება ასევე, ეროვნული სტრატეგიის შემუშავებას, რამაც კატასტროფების დროს მოსახლეობის დაცულობა და უფრო მეტი უსაფრთხოება უნდა უზრუნველყოს.
ავსტრალიაში ტყის ხანძრებმა მილიონობით ჰექტარი მოიცვა, ცეცხლმა ბოლო ერთი თვის განმავლობაში 17 ადამიანის სიცოცხლე შეიწირა, გაანადაგურა ათასობით სახლი.
ზოგიერთ ადგილებში ხანძარი იმდენად ძლიერი, კვამლი კი ისეთი სქელი იყო, რომ ჰაერიდან მისი ჩაქრობა შეუძლებელი გახდა.
ხელისუფლება სტიქიის ზონაში სამხედრო საზღვაო ძალების ხომალდებსა და ავიაციას აგზავნის. ავსტრალიის სამხრეთ-აღმოსავლეთ სანაპიროზე მიმდინარეობს მასშტაბური ევაკუაცია.