აჭარის ავტონომიური რესპუბლიკის 2020 წლის რესპუბლიკური ბიუჯეტი 350 094 700 ლარს შადგენს, 2019 წელთან შედარებით ზრდა 7 890 900 ლარი, ანუ 2,3%.
შემოსავლები - 2020 წლის აჭარის ა.რ რესპუბლიკური ბიუჯეტის შემოსავლები 301 250 000 მლნ.ლარია, წინა წელთან შედარებით ზრდა 30 254 000 ლარი, 11%
2020 წლის რესპუბლიკური ბიუჯეტის გადასახდელები მხარჯავი დაწესებულებების მიხედვით:
- აჭარის ავტონომიური რესპუბლიკის უმაღლესი საბჭო - 5 216 800 ლარი;
- აჭარის ავტონომიური რესპუბლიკის მთავრობა - 3 250 200 ლარი;
- აჭარის ავტონომიური რესპუბლიკის ფინანსთა და ეკონომიკის სამინისტრო - 112 762 300 ლარი;
- აჭარის ავტონომიური რესპუბლიკის განათლების, კულტურისა და სპორტის სამინისტრო - 56 390 100 ლარი;
- აჭარის ავტონომიური რესპუბლიკის ჯანმრთელობისა და სოციალური დაცვის სამინისტრო - 21 000 000 ლარი;
- აჭარის ავტონომიური რესპუბლიკის სოფლის მეურნეობის სამინისტრო - 15 178 200 ლარი;
2020-ის პროექტები სხვადასხვა სფეროების მიხედვით:
▶აჭარაში ინფრასტრუქტურული პროექტების დაფინანსებაზე 220 მლნ. ლარი დაიხარჯება, აჭარის ბიუჯეტის 63%
▶ აჭარაში საგზაო ინფრასტრუქტურის განვითარებისთვის 64 მლნ ლარი დაიხარჯება. აშენდება 14 ახალი ხიდი, რეაბილიტაცია ჩაუტარდება 6 არსებულ ხიდს, მოეწყობა 189 კმ. გზის საფარი
▶2020 წლის ჯანდაცვის ბიუჯეტი 18% იზარდება, ჯანდაცვის პროგრამების დაფინანსება იზრდება 2 362 000 ლარით
▶ 2020 წლიდან პირველად დაფინანსდება პაციენტების საზღვარგარეთ მკურნალობა
▶ 2020 წლიდან 20%-ით გაიზრდება სახელოვნებო და სასპორტო, საჯარო-საპანსიო სკოლების მასწავლებლებს ანაზღაურება
▶ 2020 წლიდან 23.8% გაიზრდება საგანმანათლებლო დაწესებულებების ინფრასტრუქტურის გაუმჯობესებისა და ინვენტარით აღჭურვის პროგრამის დაფინანსება
▶2020 წელს, პირველად, 18-დან 25 წლამდე ასაკის მზრუნველობამოკლებულ პირთა რეინტეგრაციის ხელშეწყობის მიზნით, სპეციალური პროგრამა განხორციელდება