მუქი ლურჯი კაბა, რომელიც პრინცესა დიანას მსახიობ ჯონ ტრავოლტასთან ცეკვის დროს 1985 წელს ეცვა, აუქციონზე 220 ათას ფუნტ სტერლინგად გაიყიდა.
"მყიდველი ძალინ კმაყოფილია, რადგან იმედოვნებს, რომ კაბა დიდ ბრიტანეთში დარჩება", - ნათქვამია აუქციონის სახლის Kerry Taylor Auctions-ის განცხადებაში.
ვიქტორ ედელსტაინის საღამოს კაბა, რომლითაც 24 წლის დიანა აშშ-ის პრეზიდენტის რონალდ რეიგანის მიერ თეთრ სახლში გამართულ სახელმწიფო ბანკეტზე, 1985 წლის 9 ნოემბერს ბრწყინავდა, 10 დეკემბერს გაიყიდა.
"პრინცესას, კაბა სხვადასხვა ოფიცალურ მიღებაზე ეცვა, აღმოჩნდა, რომბ ეს კაბა მან თავისი ბოლო ოფიციალური პორტრეტისთვის, 1997 წელსაც შეარჩია", - აღნიშნავს აუქციონის სახლი.
აუქციონზე ასევე წარმოდგენილი იყო დიანას კიდევ ორი სამოსი, ერთი კაბა 48 ათას ფუნტად გაიყიდა, მეორე კი - 28 ათასად.