იმას, რაც ყირიმში მოხდა ანექსიას ვერ ვუწოდებთ - თქვა ყაზახეთის პრეზიდენტმა კასიმ-ჯომარ ტოკაევმა გერმანიაში ოფიციალური ვიზიტის დაწყებამდე Deutsche Welle-სთან საუბრისას.
ტოკაევის თქმით, მას არ აშინებს უკრაინაში მიმდინარე მოვლენები.
"ჩვენ ანექსიად არ მივიჩნევთ ყირიმის რუსეთთან კვლავ გაერთიანებას", - თქვა ტოკაევმა.
ყაზახეთის პრეზიდენტის თქმით, ყირიმის გაერთიანება რუსეთთან მოხდა ყველა საერთაშორისო ნორმების შესაბამისად.
უკრაინის ტერიტორია ყირიმის ნახევარკუნძული ანექსირებულ იქნა რუსეთის ფედერაციის მიერ 2014 წლის 18 მარტს.
ყირიმის ნახევარკუნძული დე-ფაქტოდ შეიყვანეს ფედერაციის შემადგენლობაში, როგორც ყირიმის ფედერალური ოლქი, რომელიც შედგება რუსეთის ფედერალური ორი ერთეულისგან - ყირიმის რესპუბლიკა და ქალაქი სევასტოპოლი.
ანექსიას წინ უძღოდა ყირიმის ნახევარკუნძულზე რუსეთის შეიარაღებული ძალების ინტერვენცია და ოკუპაცია