ლეგენდარულ ქართველ კომპოზიტორს გია ყანჩელს დიდუბის საზოგადო მოღვაწეთა პანთეონში დღეს დაკრძალავენ.
გია ყანჩელი 84 წლის ასაკში 10 აგვისტოს გარდაიცვალა.
მსოფლიოში აღიარებულმა კომპოზიტორმა თბილისის ვანო სარაჯიშვილის სახელობის კონსერვატორია 1963 წელს დაამთავრა.
განსაკუთრებულად აღსანიშნავია მისი სიმფონიური თხზულებები. 1977 წელს შექმნილმა სიმფონიამ „ინ მემორია მიქელანგელო“ მას საერთაშორისო აღიარება მოუტანა.
მას ეკუთვნის რობერტ სტურუას სპექტაკლებისათვის შექმნილი მუსიკა - კავკასიური ცარცის წრე, რიჩარდ III, ჰამლეტი, ქალი-გველი, მეთორმეტე ღამე.
მუსიკა კინოფილმებისთვის: არ დაიდარდო, ქვევრი, არაჩვეულებრივი გამოფენა, მიმინო, შერეკილები, რამდენიმე ინტერვიუ პირად საკითხებზე, როცა აყვავდა ნუში და სხვა.
გია ყანჩელი ენიო მორიკონესთან, ნინო როტასთან და ჰანს ციმერთან ერთად შესულია მსოფლიოს 20 საუკეთესო კინომუსიკის შემქმნელთა შორის.