2019 წელს საბითუმო ბაზრის მონაწილეთა რაოდენობამ ისტორიულ მაქსიმუმს მიაღწია, 15 პირდაპირი მომხმარებლითა და 10 საბითუმო მიმწოდებლით. გალტ&თაგარტის მონაცემებით, ბაზრის დერეგულირების გეგმის ფარგლებში, 11 კომპანია, რომელთა საშუალო თვიური ელექტროენერგიის მოხმარება აღემატებოდა 5 გვტ/სთ-ს, 2019 წლის 1 მაისიდან სავალდებულო წესით დარეგისტრირდა პირდაპირ მომხმარებლად.
"სავალდებულო წესით რეგისტრაცია 2018 წლის მაისშიც განხორციელდა იმ კომპანიებისთვის, ვისი მოხმარებაც თვიურად 15 გვტ/სთ-ს აღემატებოდა. ამ ორი საკანონმდებლო ცვლილების შედეგად, პირდაპირი მომხმარებლების რიცხვი ბოლო ორ წელიწადში გაიზარდა 2-დან 15-მდე. ამასთან, მათი ჯამური ყოველთვიური მოხმარება გასამმაგდა - თუ 2018 წლის იანვარში ამ ჯგუფის ჯამური მოხმარება 108 გვტ/სთ-ს შეადგენდა, 2019 წლის ივლისში მათ 334გვტ/სთ მოიხმარეს. პირდაპირი მომხმარებლების წილი ქვეყნის მთლიან მოხმარებაში 2019 წლის 8 თვეში 21.5%-ს შეადგენდა. შედარებისთვის, ეს წილი 2017 წელს 12%-ს არ აღემატებოდა", აცხადებენ გალტ&თაგარტში.