ევროპულმა ქვეყნებმა, 2018 წელს, 7 მლრდ 826 მლნ ევროს ღირებულების ყავის იმპორტი განახორციელეს. აღნიშნულ ინფორმაციას "ევროსტატი" აქვეყნებს. 2018 წელს, ევროკავშირის 28 სახელმწიფომ 3 მლნ 73 ათასი ტონა ყავა შეიძინა, რაც ფულად გამოსახულებაში, 7 მლრდ 826 მლნ ევროს ღირებულებისაა.
საანგარიშო პერიოდში გერმანიამ 1 მლნ 99 ათასი ტონა ყავა შეიძინა, იტალიამ - 587 ათასი ტონა, ბელგიამ - 277 ათასი ტონა, ესპანეთმა - 260 ათასი ტონა, საფრანგეთმა 220 ათასი ტონა, დიდმა ბრიტანეთმა კი 193 ათასი ტონა ყავის იმპორტი მოახდინა.
2018 წელს ევროკავშირმა ყველაზე დიდი რაოდენობით ყავის იმპორტი ბრაზილიიდან მოახდინა. გასულ წელს ბრაზილიიდან ევროკავშირში 901 ათასი ტონა ყავა შევიდა.
ევროკავშირისთვის ყავის იმპორტიორი ქვეყნების TOP-5-ში, ბრაზილიის შემდეგ ვიეტნამია, ხოლო შემდეგ მოდიან ჰონდურასი, კოლუმბია და უგანდა.
