სასტუმრობის ქსელის Hilton-ის მფლობელი ბარონ ჰილტონი 91 წლის ასაკში გარდაიცვალა. ამის შესახებ მისი შვილიშვილი პერის ჰილტონი მიკრობლოგ "ტვიტერში" წერს.
"ის იყო ლეგენდა, მეოცნებე, ბრწყინვალე, ლამაზი, კეთილი და გაატარა მიღწევებითა და თავგადასავლებით სავსე ცხოვრება", - წერს პერიs ჰილტონი.
ჰილტონმა აღნიშნა, რომ ბავშვობიდან ყოველთვის იღებდა მაგალითს ბაბუამისისგან, როგორც ბიზნესმენისგან.
ბარონი სასტუმროების ქსელის დამფუძნებლის კონრად ჰილტონის შვილი იყო. 30 წლის განმავლობაში ის Hilton Hotels Corporation-ის გენერალური დირექტორის თანამდებობას იკავებდა. თავისი კარიერის განმავლობაში მან სასტუმროების რაოდენობა გაზარდა და მილიარდერი გახდა.
2007 წელს ბარონმა განაცხადა, რონ მამის კვალს გაყვებოდა. მან თავისი ქონების 97 პროცენტი, რომელიც იმ მომენტისთვის 2,3 მლრდ დოლარად იყო შეფასებული, კონრად ჰ. ჰილტონის ფონდს დაუტოვა. ამგვარად, ბარონმა თავისი ოჯახის წევრებს მის მიერ გამომუშავებულ ფულზე პრეტენზიის ყოველგვარი უფლება ჩამოართვა.
