გერმანელი ფიონა კოლბინგერი პირველი ქალია, რომელმაც ტრანსკონტინენტალურ რბოლაში გაიმარჯვა.
ველორბოლამ სტარტი ბულგარეთის საზღვაო ქალაქ ბურგასში აიღო და 10 დღეს გაგრძელდა. 10 დღეში გერმანელმა ველომრბოლელმა 3999 კილომეტრი გაიარა და საფრანგეთის ჩრდილოეთ დასავლეთით ქალაქ ბრესტს პირველმა მიაღწია.
10 დღის, 2 საათისა და 48 წუთი რბოლის შემდეგ, გერმანელმა მრბოლელმა განაცხადა, რომ მეტი შეეძლო.
„შემეძლო უფრო ჩქარა ჩავსულიყავი დანიშნულების ადგილას. ნაკლები უნდა დამეძინა. ვერაფრით წარმოვიდგენდი თუ გავიმარჯვებდი“,- აღნიშნა ტრანსკონტინენტალური რბოლის პირველმა ქალმა გამარჯვებულმა.
რბოლაში მონაწილეობას 265 სპორტსმენი იღებდა საიდანაც ქალი მხოლოდ 40 იყო.
მეორე ადგილი ბენ დევისმა დაიკავა, რომელმაც ფინიშთან მისვლა 10 დღეში, 13 საათსა და 10 წუთში შეძლო.