ამერიკის შეერთებული შტატების ელჩი რუსეთის ფედერაციაში ჯონ ჰანტსმანი თანამდებობას ტოვებს. ინფორმაციას გამოცემა The Hill-ი ავრცელებს.
გამოცემის ცნობით, ელჩმა გადადგომის შესახებ წერილით მიმართა აშშ-ის პრეზიდენტს, დონალდ ტრამპმს და მადლობა გადაუხადა მას გამოცხადებული ნდობისთვის.
ელჩის განცხადება გადადგომის შესახებ ძალაში შევა 3 ოქტომბერს, მას შემდეგ, რაც თეთრი სახლი ახალ ელჩს წარადგენს რუსეთის ფედერაციაში.
59 წლის ჯონ ჰანტსმანი რუსეთში აშშ-ის ელჩად 2017 წლიდან მუშაობს. მანამდე ის იყო შეერთებული შტატების ელჩი ჩინეთში.