600-ზე მეტი ადამიანი დააკავეს მოსკოვში გამართულ არასანქცირებულ აქციაზე.
აქციის მონაწილეები შეიკრიბნენ რუსეთის დედაქალაქის ცენტრში, რათა გაეპროტესტებინათ ხელისუფლების გადაწყვეტილება, უარი ეთქვათ ოპოზიციის კანდიდატებისთვის მოსკოვის საქალაქო დუმის არჩევნებში კანდიდატებად დარეგისტრირებაზე.
პოლიციამ დააკავა ოპოზიციონერი აქტივისტი ლიუბოვ სობოლი, რომელიც აქციისკენ მიემართებოდა. პოლიციელებმა ის გზად დააკავეს.
რუსეთის ოფიციალური უწყებები აცხადებდნენ, რომ აქციას მხოლოდ 350-მდე ადამიანი ესწრებოდა, პოლიციამ კი მხოლოდ 30 მათგანი დააკავა.
დამოუკიდებელ ჟურნალისტთა და აქტივისტთა მიერ გავრცელებულ ვიდეობში ჩანს, თუ როგორ არასათანადოდ ეპყრობიან პოლიციელები აქციის მონაწილეებს. პოლიციელები იყენებდნენ ხელკეტს და სცემდნენ აქციის მონაწილეებს.
რუსული სააგენტო „ტასი“ ამბობს, რომ აქციის მონაწილეთა დაკავებისას დაშავდა ერთი პოლიციელი.
მანამდე ხელისუფლების წარმომადგენლები აფრთხილებდნენ მოქალაქეებს, რომ თუ არასანქცირებულ აქციას ჩაატარებდნენ, ისინი ყველა ღონეს მიმართავდნენ, რათა აღეკვეთათ უკანონობა.
