გერმანია არ შეუერთდება ვაშინგტონის ინიციატივას, ჰორმუზის სრუტეში სამხედრო-საზღვაო მისიაში მონაწილეობის შესახებ. ამის შესახებ განაცხადა გერმანიის საგარეო საქმეთა მინისტრმა ჰაიკო მაასმა.
გუშინ, სამშაბათს, შეერთებულმა შტატებმა ოფიციალურად სთხოვა გერმანიას, საფრანგეთთან და დიდ ბრიტანეთთან ერთად მონაწილეობა მიეღო უსაფრთოხების მისიაში, რომელმაცს ჰორმუზის სრუტის უსაფრთხოება უნდა უზრუნველყოს.
დღეს კი, ვაშინგტონის ინიციატიცის საპასუხოდ, ვარშავაში ვიზიტათ მყოფმა ჰაიკო მაასმა განაცხადა, რომ გერმანიის მთავრობა შტატების მიერ შემოთავაზებულ და დაგეგმილ მისიაში არ მიიღებს მონაწილეობას.
გერმანიის მთავარმა დიპლომატმა დასძინა, რომ გერმანიას სურდა სამხედრო ესკალაციის თავიდან აცილება და სწორედ ამიტომ უარყოფს ვაშინგტონის ინიციატივას, რადგან იგი მიიჩნევს, რომ აშშ-ის მხრიდან ირანზე „მაქსიმალური ზეწოლა“ არასწორია.
ჰაიკო მაასის თქმით, ბერლინი ამჯობინებს, რომ დაძაბულობა მოგვარება დიპლომატიური გზებით მიაღწიონ.
შეერთებული შტატები გეგმავს მსოფლიოში ერთ-ერთ ყველაზე მნიშვნელოვან და გეოსტრატეგიულ ჰორმუზის სრუტეში უსაფრთხოების უზრუნველყოფას, რათა „შეებრძოლოს და შეაკავოს ირანის აგრესია“.
სიტუაცია ირანსა და აშშ-ის შორის განსაკუთრებით მას შემდეგ გამწვავდა, რაც დონალდ ტრამპის ინიციატივით შტატებმა 2015 წლის ბირთვული შეთანხმება დატოვა.
სიტუაცია გამწვავებულია დიდ ბრიტანეთსა და ირანს შორის. ცოტა ხნის წინ, ირანმა თავის ტერიტორიულ წლებში ბრიტანული ტანკერი დააკავა.
მანამდე ბრიტანეთმა დააკავა ირანის ტანკერი გიბრალტარის სრუტეში.
ჰორმუზის სრუტე
სტრატეგიულად მნიშვნელოვანი სრუტე ომანისა და სპარსეთის ყურეებს შორის. სრუტის ჩრდილოეთ ნაპირზე მდებარეობს ირანი, სამხრეთ ნაპირზე კი არაბთა გაერთიანებული საამიროები და ომანის ანკლავი მუსანდამი.
ამ სრუტის მნიშვნელობა მართლაც უდიდესია, ის უზრუნველყოფს სპარსეთის ყურის ნავთობის ექსპორტს დანარჩენ მსოფლიოში.
აშშ-ის ენერგეტიკის საინფორმაციო სააგენტოს ცნობით, აქ ყოველდღიურად 15 ტანკერი გაივლის, რომლებსაც 16.5-17 მლნ ტონა ნავთობი გადააქვთ, რაც სრუტეს მსოფლიოს ერთ-ერთ ყველაზე გეოსტრატეგიულ წერტილად აქცევს.
ამჟამად, ჰორმუზის სრუტეზე მოდის მსოფლიოში ნავთობის საზღვაო გადაზიდვების 40% და მთლიანი გადაზიდვების 20%.