ბრიტანეთის უკვე ყოფილმა პრემიერ-მინისტრმა ტერეზა მეიმ დაუნინგ სთრითზე გამართულ ბრიფინგზე მადლობა გადაუხადა ბრიტანელ ხალხს და პრემიერ-მინისტრის რანგში ბოლო სიტყვა წარმოსთქვა.
ტერეზა მეის თქმით, მისთვის დიდი პატივი იყო, ემსახურა ბრიტანელი ხალხისთვის, როგორც მათი მთავრობის მეთაური.
მან ასევე წარმატება უსურვა მომავალ პრემიერ-მინისტრ ბორის ჯონსონს.
ტერეზა მეის თქმით, ის გააგრძელებს პოლიტიკურ მოღვაწეობას, როგორც ბრიტანეთის პარლამენტის წევრი.
სიტყვით გამოსვლის დასრულების შემდეგ, ტერეზა მეი მეუღლესთან ერთად, ბუკინგემის სასახლეში გაემართა, დედოფალ ელისაბედ მეორესთან ბოლო აუდიენციისთვის.
დღესვე, გაერთიანებული სამეფოს დედოფალი შეხვდება ბორის ჯონსონს და მას მთავრობის ფორმირებას სთხოვს.
