პოლონეთმა მეორე მსოფლიო ომის დაწყების 80 წლისთავის აღსანიშნავ ღონისძიებაზე რუსეთი არ მიიწვია.
პოლონეთში ყოველწლიურდ იმართება ღონისძიებები ნაცისტური გერმანიის თავდასხმისა და მეორე მსოფლიო ომის დაწყების დღეს - 1 სექტემბერს. ღონისძიება გდანსკში იმართება და 04:48 საათზე იწყება, სწორედ იმ დროს, როდესაც პოლონეთის ტერიტორია პირველად დაიბომბა.
აღსანიშვნავია, რომ წლევანდელ ღონისძიებას ერთობლივად უმასპინძლებენ პოლონეთის პრეზიდენტი ანდჟეი დუდა და გერმანიის ფედერაციული რესპუბლიკის პრეზიდენტი ფრანკ-ვალტერ შტაინმაიერი.
წელს ვარშავაში მეორე მსოფლიო ომის 80 წლისთავის აღნიშვნა მოკავშირეების წრეში გადაწყვიტეს.
„ამ დრამატულ მოვლენებს პოლონეთი იმ ქვეყნებთან ერთად აღნიშნავს, რომელთანაც მჭიდროდ თანამშრომლობს მსოფლიოშო მშვიდობის ინტერესებიდან გამომდინარე, რაც საერთაშორისო სამართლის დაცვის პრინციპებზეა დაფუძნებული“, - ნათქვამია პოლონეთის პრეზიდენტის პრესსამსახურის განცხადებაში.
პოლონეთის გადაწყვეტილებამ რუს ექპერტთა წრეში დიდი აღშფოთება გამოიწვია.
გდანსკში გამართულ ცერემონიალს მსოფლიოს სხვადასხვა ქვეყნის ლიდერი დაესწრება, მათ შორის საქართველოს პრეზიდენტი, სალომე ზურაბიშვილი.