ესპანეთის პარლამენტმა მთავრობის მეთაურის მოვალეობის შემსრულებელი, ვადამდელ საპარლამენტო არჩევნებში გამარჯვებული სოციალისტური პარტიის ლიდერი, პედრო სანჩესი პრემიერ-მინისტრის პოსტზე არ დაამტკიცა.
პედრო სანჩესის კანდიდატურას 124 დეპუტატი მიემხრო, 170 წინააღმდეგ წავიდა, 52-მა დეპუტატმა თავი შეიკავა, 4 დეპუტატი სხდომას არ ესწრებოდა.
პრემიერ-მინისტრის პოსტზე დასამტკიცებლად პედრო სანჩესს 176 დეპუტატის მხარდაჭერა უნდა მიეღო.
ესპანეთის კანონმდებლობის თანახმად, პარლამენტი 25 ივლისს, სანჩესის კანდიდატურას კვლავ უყრის კენჭს.
