რუსული ტელეკომპანია Дождь-ის საინფორმაციო გადაცემის წამყვანი ეთერში ქართული ღვინით გავიდა.
წამყვანმა დარია პოლიაგაევამ გადაცემაში ბოლო დროს რუსეთსა და საქართველოს შორის განვითარებულ მოვლენებზე ისაუბრა. მან ასევე ისაუბრა რუსეთის მხრიდან შესაძლო ეკონომიკური სანქციების შესაძლო დაწესების შესახებ.
შეგახსენებთ, გუშინ, რუსეთის პრეზიდენტმა ვლადიმირ პუტინმა განაცხადა, რომ ის ქართველი ხალხის პატივისცემი გამო, საქართველოს ეკონომიკურ სანქციებს არ დაუწესებდა.
მისი თქმით, ანტირუსულ განწყობას ქვეყანაში აღვივებენ ის ადამიანები, რომლებმაც არ იციან ისტორია და საბოლოო ჯამში ზიანს აყენებენ ქართველ ხალხს.
მანამდე, რუსეთის სახელმწიფო სათათბირომ მიიღო განცხადება, რომელიც რუსეთის მთავრობას რეკომენდაციას აძლევს განიხილოს საქართველოს მიმართ სპეციალური ეკონომიკური სანქციების მიზანშეწონილობა და წარუდგინოს შესაბამისი წინადადებები რუსეთის პრეზიდენტს.
