"თუ ჩვენ გვინდა ღირსეული სიბერე პენსიონერებისთვის, ღირსეული ანაზღაურება დასაქმებულებისთვის, ხარისხიანი განათლება ჩვენი შვილებისთვის, უსაფრთხოება და დაცულობა თითოეული ჩვენი მოქალაქისთვის, ერთხელ და საბოლოოდ უნდა დავაღწიოთ თავი რუსეთს (საბჭოეთს) როგორც პოლიტიკურად ასევე მენტალურად", წერს საქართველოს ეროვნული ბანკის პრეზიდენტი გიორგი ქადაგიძე სოციალურ ქსელში.
ქადაგიძე განმარტავს, რომ ეს შეძლეს ფინეთმა, პოლონეთმა, ლიტვამ, ლატვიამ, ესტონეთმა.
"შევხედოთ როგორ ცხოვრობენ ისინი და შევხედოთ როგორ ცხოვრობენ ჯერ კიდევ რუსეთის გავლენის ქვეშ მყოფნი.
დღევანდელი აქციის სიმრავლით და ერთიანობით უნდა შევძლოთ დღევანდელი სამარცხვინო დღე ვაქციოთ მოვლენად სადაც განვითარებულ სამყაროს დავანახებთ რომ ახლა საქართველოს ჯერი დადგა რომ ჩვენი ბრძოლა გრძელდება საბოლოო გამარჯვებამდე", აცხადებს გიორგი ქადაგიძე.
