"ხელისუფლებას კრიმინალური ავტორიტეტების მობილიზება იმისთვის, რომ არჩევნებში გაიმარჯვოს არ სჭირდება", - განაცხადა შინაგან საქმეთა მინისტრმა გიორგი გახარიამ ჟურნალისტებთან საუბრისას, მას შემდეგ რაც მთაწმინდის N5 საარჩევნო უბანზე საკუთარი არჩევანი დააფიქსირა.
ჟურნალისტების შეკითხვაზე, თუ რატომ შეინიშნებოდნენ საარჩევნო უბნებზე კრიმინალური ავტორიტეტები, მან უპასუხა, რომ ნებისმიერი კანონდარღვევის შემთხვევაში შსს-ს ექნება უმკაცრესი და სწრაფი რეაგირება.
"ხელისუფლებას კრიმინალური ავტორიტეტების მობილიზება იმისთვის, რომ არჩევნებში გაიმარჯვოს, მითუმეტეს მთაწმინდაზე არ სჭირდება. თუ იყო სადმე მობილიზებული კრიმინალური ავტორიტეტები, რომლებმაც დაარღვიეს კანონი ან რაიმე სახით შეუზღუდეს ჩვენს მოალქეეებს გამოხატვის, ხმის მიცემის თავისუფლება მაშინ მოგვეცით ეს ინფორმაცია და ჩვენ ამაზე გვექნება, გპირდებით, სწრაფი და მკაცრი რეაგირება", - თქვა გახარიამ.