ყაზახეთში საპრეზიდენტო არჩევნები მიმდინარეობს. არჩევნებში მონაწილეობას 7 საპრეზიდენტო კანდიდატი იღებს.
გამარჯვების მთავარ კანდიდატად ყაზახეთის პრეზიდენტის მოვალეობის შემსრულებელი, პარლამენტის ყოფილი სპიკერი ტოკაევი მიიჩნევა.
წელს, პირველად, არჩევნებში არ მონაწილეობს ყაზახეთის პირველი პრეზიდენტი ნურსულთან ნაზარბაევი, რომელმაც თავისი თითქმის 30-წლიანი მმართველობა 2019 წლის 19 მარტს დაასრულა.
ნაზარბაევი ყაზახეთს 1990 წლიდან მართავდა. 2015 წელს ის პრეზიდენტად მეხუთე ვადით აირჩიეს.
