ბუდაპეშტში, მდინარე დუნაიში ტურისტული გემი ჩაიძირა. იუწყება უნგრული მედია.
გუშინ საღამოს გემს ნავი დაეჯახა, რის შემდეგაც ამოტრიალდა. ბორტზე მყოფი ყველა მგზავრი წყალში გადაცვივდა. გემზე სულ 34 ადამიანი იმყოფებოდა - 32 სამხრეთ კორეელი ტურისტი და ეკიპაჟის ორი წევრი.
ტრაგედიის შედეგად შვიდი ადამიანი დაიღუპა, კიდევ 19 დაკარგულად არის მიჩნეული.
შვიდი დაშავებული მსუბუქი ტრავმებით საავადმყოფოებეში გადაიყვანეს.
პოლიციაში განაცხადეს, რომ დაკარგულებს პროფესიონალი მყვინთავები ეძებენ. სამაშველო ოპერაციას ძლიერი წვიმა ართულებს.
დილით ჩაძირული გემი კუნძულ მარგარიტასთან, პარლამენტის შენობიდან 700 მეტრში იპოვეს.