რუსეთის მოსახლეობის 70 % მიიჩნევს, რომ სტალინმა დადებითი როლი შეასრულა რუსეთის ისტორიაში. ეს მონაცემები „ლევადა-ცენტრის“ მიერ რუსეთში ჩატარებულ საზოგადოებრივი აზრის კვლევის შედეგებს ეყრდნობა.
აღსანიშნავია, რომ 2016 წელს ჩატარებული კვლევის შედეგების მიხედვით, სტალინის როლს დადებითად გამოკითხული მოსახლეობის 54 % მიიჩნევდა.
სტალინის როლს ნეგატიურად მხოლოდ 19 პროცენტი მიიჩნევს.
2008 წელს ჩატარებული კვლევის მიხედვით, სტალინის მიერ ჩადენილ დანაშაულებებს გაუმართლებლად მიიჩნევდა 60 %, ხოლო მიმდინარე წელს ჩატარებული კვლევამ ცხადჰყო, რომ ეს მაჩვენებლი 45 %-მდე შემცირდა.
სისხლიანი ტირანის, საბჭოთა კავშირის ლიდერის, სტალინის იმიჯი რუსეთში 2000 წლიდან ნელნელა რეაბილიტირდა. ცნობილია, რომ რუსეთის ეროვნული ჰიმნი, რომლის თანამედროვე ვარიანტი მოქმედებს 2001 წლიდან ეფუძნება საბჭოთა კავშირის ჰიმნის მუსიკას. ტექსტი კი თავიდან დაწერა სერგეი მიხალკოვმა, რომელიც ასევე საბჭოთა ჰიმნის ავტორიც იყო, 2000 წელს პრეზიდენტ ვლადიმირ პუტინის მიერ იქნა დამტკიცებული.