აბუ-დაბის სახელმწიფო კორპორაცია "აი პი აი სი" ნაბუკოს პროექტში ჩართვის შესაძლებლობებს სწავლობს. ამის შესახებ კორპორაცია საბოლოო გადაწყვეტილებას, სავარაუდოდ, შემოდგომაზე მიიღებს.
ნაბუკოს გაზსადენის პროექტის ღირებულება, რომელიც ცენტრალური აზიიდან საქართველოს გავლით ევროპაში გაივლის, 7.9 მილიარდი ევროა. ინვესტორებს აბუ-დაბიდან შეუძლიათ ახალი ბიძგი მისცენ ნაბუკოს პროექტს. აბუ-დაბის საინვესტიციო კომპანია, რომლის აქტივები 20 მილიარდ დოლარს შეადგენს, ინვესტიციებს, ძირითადად, ნავთობისა და გაზის სფეროებში, ასევე ნავთობქიმიაში ახორციელებს.
