მცხეთის საარჩევნო ოლქისთვის განკუთვნილი ბიულეტენები დუშეთში აღმოჩნდა. ამის შესახებ მედიას ინფორმაცია დუშეთის #28 საოლქო საარჩევნო კომისიაში "ეროვნული საბჭოს" წარმომადგენელმა მარინა მოლოდინმა მიაწოდა.
"მცხეთის #27 საარჩევნო ოლქისათვის განკუთვნილი მაჟორიტარი კანდიდატების ბიულეტენები #2 საარჩევნო უბანზე აღმოჩნდა. ამით დარღვეულია "საქართველოს საარჩევნო კოდექსის" 54-ე მუხლის მე-13 პუნქტის მოთხოვნები", - აცხადებს მოლოდინი.
აღნიშნულთან დაკავშირებით "ეროვნულმა საბჭომ" საარჩევნო კომისიაში შესაბამისი საჩივარი უკვე შეიტანა.