საქართველოს პრეზიდენტმა მიხეილ სააკაშვილმა დუშეთში ახალი სასტუმრო და ოLიმპიური სოფელი გახსნა, სადაც სპორტის ყველა სახეობისა და სპორტსმენისათვის უნიკალური პირობებია შექმნილი.
ოლიმპიური სახლი გათვლილი არის 100 სპორტსმენზე და იქ თითქმის ყველა სახის სპორტსმენს შეუძლია მოსვენებადა შემდეგ ვარჯიშის გაგრძელება. რადგან ოლიპიური სახლის მოშორებით, მდებარეობს ოლიმპიური ცენტრი, რომელიც ორი წლის წინ გაიხსნა და იქ ყველა სახეობის სპორტსმენი ვარჯიშობს.
საქართველოს პრეზიდენტმა ისაუბრა იმაზე, რომ სპორტის განვითარებაში კიდევ დამატებით უნდა ჩაიდოს თანხები.
"მივიღეთ გადაწყვეტილება, რომ აქ დიდი ოლიმპიური ცენტრი გაგვეხსნა, იმიტომ, რომ სანამ ბევრი პოლიტიკოსი თავის ცხვირს იქით, თბილისის ცენტრს იქით ვერ ხედავს საქართველოს, ჩემთვის იმ პირობებში, როდესაც თბილისი ვითარდება ისე ჩქარა როგორც არასდროს ისტორიაში, ყველა რეგიონს უნდა ჰქონდეს ფუნქცია და ყველა რეგიონი უნდა განვითარდეს", _ განაცხადა საქართველოს პრეზიდენტმა და დასძინა, რომ დუშეთს პრაქტიკულად დაკარგული ჰქონდა ყველანაირი ფუქცია, "ამიტომ ერთია წყალსადენი რასაც აქ ვაკეთებთ, გზებს ვაკეთებთ, მაგრამ თუ თუ ფუნქცია არ გაუჩნდა და სამუშაო არ ექნათ, თუ კონკრეტული დასაქმება არ იქნა, როგორც მანამდე იცლებოდა დუშეთი ასევე გაგრძელდება".
