"საქართველოში მედიის თავისუფლების შეზღუდვაზე არაერთი საერთაშორისო ანგარიშია გამოქვეყნებული, სადაც ცალსახად იყო აღნიშული, რომ ჩვენს ქვეყანაში ამ კუთხით ვითარება ყოველწლიურად უარესდება. თუმცა, ამას ხელისუფლების მხრიდან მედია ორგანიზაციების და ჟურნალიტების მიმართ დამოკიდებულების შეცვლა არასდროს არ მოჰყოლია. ძალიან დიდი გულუბრყვილობა იქნება იმის მოლოდინი, რომ აშშ-ს სახელმწიფო დეპარტამენტის ანგარიშის შემდეგ მედიის თავისუფლების კუთხით არსებითად რაიმე შეიცვლება. თუმცა, ის ფაქტი, რომ მაესტრომ ლიცენზია მიიღო და 25-ე არხი ვალების გამო არ დაიხურა, ნიშნავს, რომ ხელისუფლებამ იგრძნო ამ სამყაროში მარტო არ იმყოფება და მას გარედან აკვირდებიან" - გამაცხადა "ჯი-ეიჩ-ენთან" ია ანთაძემ, აშშ-ს სახელმწიფო დეპარტამენტის ანგარიშის კომენტირებისას.

მისვე თქმით, 2003 წლიდან მედია საშუალებებზე კონტროლის სქემა ხორციელდება, რომლის მიხედვითაც ყველა დიდი ტელევიზიის ხელმძღვანელები ხელისუფლებასთან დაახლოებული პირები ხდებიან. მას შემდეგ კი, როცა ეს პირები ხელისუფლებიდან მიდიან, მათთან დაახლოებული მედიასაშუალების ხელმძღვანელებიც თანამდებობებს ტოვებენ, როგორც ქიბარ ხალვაშის და დავარაშვილის მაგალითზე მოხდა.

"სხვადასხვა რანგის მოვლენაა, როდესაც ჟურნალიტებზე გავლენის მოხდენას ხელისუფლების და ოპოზიციის წარმომადგენელი ცდილობენ. ხელისუფლება არის ის სეგმენტი, რომელსაც თუ მათ ჟურნალისტი არ დაექვემდებარება უამრავი ბერკეტი აქვს, რომლითაც გაუსწორდება და შეიძლება ადამიანს პროფესიის შეცვლაც კი აიძულოს. ოპოზიციას ეს არ შეუძლია სანამ ის ოპოზციაში. მათ შეუძლიათ უხეშები იყვნენ, რაც ძალიან ცუდია, მაგრამ სამსახურიდან განთავისუფლების, გადაცემების დახურვის და ტენდენციური გადაცემის შეკვეთის საშუალება არ აქვს", - აღნიშნა ანთაძემ.

აშშ-ს სახელწიფო დეპარტამენტის მიერ გამოქვეყნებულ ყოველწლიური ანგარიშში აღნიშნულია, რომ მედიის თავისუფლების მიამართულებით საქართველოში პრობლემებმა იმატა. ანგარიშში აღნიშნულია, რომ წინა წლის განმავლობაში საქართველოში მედიისა და პრესის თავისუფლება ხელისუფლების მხრიდან შეიზღუდა.