"ევროპული საქართველოს" ინიციატივის მიხედვით, ონლაინ შესყიდვების დროს განბაჟების ზღვარი 500 ლარამდე უნდა გაიზარდოს.
"თუ აქამდე ამაზონიდან, ან სხვა ონლაინ მაღაზიიდან 300 ლარზე ზემოთ ღირებულების ნივთს იწერდით, განბაჟება გიწევდათ. ახლა, ამ ზღვარის აწევა გვსურს 500 ლარამდე.
დღეს საკითხი დარგობრივი ეკონომიკის კომიტეტზე გავიტანეთ, და მხარდაჭერა მივიღეთ.
ახლა ჯერი პლენარულ სხდომაზეა. იმედი ვიქონიოთ, რომ საღი აზრი გაიმარჯვებს და ამ კანონპროექტს მხარდაჭერა ექნება", აცხადებს "ევროპული საქართველოს" ერთ-ერთი ლიდერი სერგი კაპანაძე.