ევროკავშირი თანახმაა, ბრექსიტი 22 მაისამდე გადაავადოს იმ შემთხვევაში, თუ დიდი ბრიტანეთის პარლამენტი 29 მარტამდე კენჭს უყრის და მხარს დაუჭერს ტერეზა მეის მიერ შეთავაზებულ ლონდონსა და ბრიუსელს შორის დადებულ შეთანხმებას. ინფორმაციას ამის შესახებ „ბი-ბი-სი“ ავრცელებს.
დღეს, ბრიუსელში გაიმართა ევროკავშირის სამიტი, სადაც განხილვის მთავარ საკითხად ბრექსიტის გადავადება იყო წარმოდგენელი. ევროკავშირის ლიდერებმა მოისმინეს ტერეზა მეის არგუმენტები ბრექსიტის გადავადების აუცილებლობის შესახებ.
ბრიუსელში მიიჩნევენ, რომ დიდმა ბრიტანეთმა ევროკავშირი ევროპარლამენტის არჩევნმებადე, ანუ 22 მაისამდე დატოვოს.
შეგახსენებთ, რომ ევროპარლამენტის არჩევნები 23-26 მაისს უნდა გაიმართოს.