ოქტომბერში, საქართველოში ელექტროენერგიის საბალანსო ფასი წლიურად 4.3%-ით შემცირდა და კვტ.სთ-ზე 5.3 აშშ ცენტი შეადგინა. საბალანსო ბაზარზე ესკოს გავლით ჯამური მიწოდებული ელექტროენერგიის 31.8% ივაჭრებოდა.
ოქტომბერში, საქართველოში ელექტროენერგიის იმპორტის საშუალო ფასი წლიურად 2.7%-ით შემცირდა და კვტ.სთ-ზე 5.1 აშშ ცენტი შეადგინა.
თურქეთში ელექტროენერგიის საშუალო საბაზრო ფასი თურქულ ლირაში მკვეთრად (+91.8% წ/წ) გაიზარდა, თუმცა დოლარში ფასის ზრდა შედარებით დაბალი იყო და 19.8% შეადგინა. ანალიტიკოსების აზრით, ეს არის ბაზრის რეაქცია ლირის მკვეთრ გაუფასურებაზე, რადგან თურქეთის ენერგეტიკული ბაზარი მნიშვნელოვნად დამოკიდებულია დოლარზე და შესაბამისად მყისიერად რეაგირებს ადგილობრივი ვალუტის გაუფასურებაზე. 2018 წლის ოქტომბერში, თურქეთის საშუალო საბაზრო ფასმა კვტ.სთ.-ზე 5.5 აშშ ცენტი შეადგინა.
