დღეს, 9 დეკემბერს, სომხეთში ვადამდელი საპარლამენტო არჩევნები მიმდინარეობს. სომხური მედიის ინფორმაციით, საარჩევნო პროცესი ქვეყნის მასშტაბით მშვიდ ვითარებაში მიმდინარეობს.
პარლამენტის 101 ადგილისათვის სულ 11 პოლიტიკური გაერთიანება იბრძვის, მათ შორისაა ნიკოლ ფაშინიანის „ჩემი ნაბიჯი“, რომელიც არჩევნებში გამარჯვების ერთ-ერთ მთავარ ფავორიტად მიიჩნევა.
ვადამდელი საპარლამენტო არჩევნების დანიშვნის გადაწყვეტილება სომხეთის პრეზიდენტმა მას შემდეგ მიიღო, რაც სომხეთის უკვე გადამდგარი პრემიერ-მინისტრის ნიკოლ ფაშინიანის ზედიზედ ორჯერ ვერ არჩევის გამო, პარლამენტი დაითხოვა.
სომხეთის პარლამენტმა ნიკოლ ფაშინიანის კანდიდატურ პრემიერ-მინისტრის პოსტზე ზედიზედ ორჯერ არ დაამტკიცა. ქვეყნის კონსტიტუციის თანახმად სწორედ ეს მდგომარეობა ავალდებულებს პრეზიდენტს, დაუყოვნებლივ დაითხოვოს საკანონმდებლო ორგანო და დანიშნოს ვადამდელი საპარლამენტო არჩევნები.
პრემიერ-მინისტრის თანამდებობიდან ნიკოლ ფაშინიანი სწორედ იმ მიზნით გადადგა საკუთარი ნებით, რომ ქვეყანაში ვადამდელი საპარლამენტო არჩევნები გამართულიყო.
