უკრაინის პრეზიდენტი პეტრო პოროშენკო აცხადებს, რომ რუსეთს შავ ზღვაში გემების სახიფათო რაოდენობა ჰყავს, რაც ნატო-ს წევრი ქვეყნებისთვის საფრთხეს წარმოადგენს. ამის შესახებ უკრაინის ლიდერმა The New York Times-ში გამოქვეყნებულ სტატიაში აღნიშნა.
„ბოლო დროს განვითარებული მოვლენები უშუალოდ მოქმედებენ ნატო-ს უსაფრთხოებაზე. დღეისათვის რუსეთი შავ ზღვაში გემების საგანგაშო რაოდენობას ფლობს, რაც იმას ნიშნავს, რომ ეს საფრთხეს უქმნის ნატო-ს წევრ ქვეყნებს - რუმინეთს, ბულგარეთსა და თურქთს. და ეს მხოლოდ დასაწყისია“, - აღნიშნავს პოროშენკო.
შეგახსენებთ, რომ 25 ნოემბერს, რუსეთის მხრიდან უკრაინული გემების მიმართ თავდასხმა განხორციელდა.რუსი სამხედროების თავდასხმის შედეგად დაიჭრა 6 უკრაინელი. ყირიმის ავტონომიურ რესპუბლიკაში უკრაინის პრეზიდენტის წარმომადგენელის, ბორის ბაბინის განაცხადებით, რუს მესაზღვრეებს 20-ზე მეტი უკრაინელი სამხედრო ჰყავთ დაკავებული.
რუსული მხარე, ტრადიციულად, უკრაინას პროვოკაციის მოწყობაში ადანაშაულებს.
