თბილისის საქალაქო სასამართლოში ბუტა რობაქიძის მკვლელობის საქმეზე ერთ-ერთი ბრალდებული, ყოფილი მაღალჩინოსანი ზურა მიქაძე აძლევს ჩვენებას.
მისი დაკითხვა სასამართლოში გასულ სხდომაზე დაიწყო. მიქაძის განცხადებით, მკვლელობის ადგილზე მისულს მას იარაღები დახვდა და მისი ჩადება არ მომხდარა.
ცნობისთვის, ბუტა რობაქიძის მკვლელობის საქმეზე შინაგან საქმეთა სამინისტროს ყოფილი მაღალჩინოსნების მხრიდან სამსახურეობრივი უფლებამოსილების გადამეტების
საქმეზე ბრალდებულია 6 პირი: გურამ დონაძე, ზაზა ბაქრაძე, ზურა მიქაძე, ლევან გვაზავა, ირაკლი ფირცხალავა და დავით იაშვილი.
ერთ-ერთი ბრალდებული, კრიმინალური პოლიციის ყოფილი უფროსი, ზაზა ბაქრაძე, რომელიც თბილისის საერთაშორისო აეროპორტში 28 თებერვალს დააკავეს, 30 მარტს, 5 000 ლარიანი გირაოს სანაცვლოდ სხდომათა დარბაზიდან გაათავისუფლეს.