ვანო მერაბიშვილი იღებს იმ სტანდარტის მკურნალობას, რაც უნდა მიიღოს საქართველოში ნებისმიერმა მსჯავრდებულმა, – ამის შესახებ პარლამენტის ვიცე-სპიკერმა, თამარ ჩუგოშვილმა ყოფილი პრემიერ-მინისტრის, ვანო მერაბიშვილის ჯანმრთელობის მდგომარეობასთან დაკავშირებულით განაცხადა.
თამარ ჩუგოშვილმა მერაბიშვილის ჯანმრთელობის მდგომარეობის ხელოვნურად გაუარესებასთან დაკავშირებით გამოთქმულ მოსაზრებებს აბსურდი უწოდა.
„სრული აბსურდია, რასაც მეუბნებით. ზუსტად ვიცი, რომ ყველანაირ სამედიცინო შემოწმებასა და მკურნალობას გადის. ზუსტად ვიცი, რომ რამდენჯერმე იყო საავადმყოფოში, შესაბამის კლინიკებში გადაყვანილი და იღებს იმ სტანდარტის მზრუნველობას, რა სტანდარტის მზრუნველობაც უნდა მიიღოს საქართველოში ნებისმიერმა მსჯავრდებულმა პირმა“, – განაცხადა თამარ ჩუგოშვილმა.