თარიღი    დრო

განათლებისა და მეცნიერების კომიტეტის მიერ ინიცირებული ცვლილებები აზრს მოკლებულია - სერგო რატიანი

საქართველო, თბილისი - 12:36 09.20.2018 225

საქართველოს პარლამენტის განათლებისა და მეცნიერების კომიტეტის მიერ ინიცირებული ცვლილებები პროტექციანოზმის ნიშნებს შეიცავს - ევროპული საქართველოს წევრი სერგო რატიანი

საქართველოს პარლამენტის განათლებისა და მეცნიერების კომიტეტის მიერ ინიცირებული ცვლილებები, რომლის თანახმადაც უმაღლეს საგანმანათლებლო დაწესებულებებს, რომლებსაც ავტორიზაციის ვადა 2018-2019 წლებში გასდის/გაუვიდა და ვადა ავტორიზაციისთვის 2020 წლის პირველ იანვრამდე უნდა გაუგრძელდეთ, მიმაჩნია, რომ არის აზრს მოკლებული, - ამის შესახებ " ევროპული საქართველოს" წევრმა სერგო რატიანმა განაცხადა.

მისი თქმით, შემოთავაზებული ცვლილებით თანაბარი პირობების შექმნის პრინციპი ფუნდამენტურად ირღვევა - არათანაბარ პირობებში აყენებს იმ უმაღლეს საგანმანათლებლო დაწესებულებებს, რომლებმაც მოსამზადებელ ეტაპზე მნიშვნელოვანი ცვლილებები განახორციელეს და ძირითადი რესურსები მიმართეს მათი საქმიანობის გაუმჯობესებისათვის ყველა მნიშვნელოვანი მიმართულებით. მისივე თქმით, არათანაბარ პირობებში ყოფნის დასადასტურებლად ,,შავი ზღვის საერთაშორისო უნივერსიტეტის“ ირგვლივ განვითარებული მოვლენებიც საკმარისია.

„ამასთანავე, სიტუაციის შესწავლამ გამოავლინა ერთი ყურადსაღები ფაქტი, კერძოდ 2018 წლის 16 სექტემბერს ჩატარებულ ავტორიზაციის საბჭოს სხდომაზე ავტორიზაციის მინიჭებისთვის საჭირო პროცედურა - ექსპერტების მიერ მომზადებული დასკვნის განხილვა და გადაწყვეტილების მიღება, გადაედო ორ უმაღლეს საგანმანათლებლო დაწესებულებას - ევრორეგიონალურ სასწავლო და თბილისის სასწავლო უნივერსიტეტებს, რომელთა ავტორიზაციის ვადა ამოიწურა მიმდინარე წლის 17 სექტემბერს. აღნიშნული გარემოება აჩენს გონივრულ ეჭვს, რომ მითითებული უნივერსიტეტების მიმართ არსებობს. გარკვეული პირების პირადი ინტერესები, განსაკუთრებით სარწმუნოა ვარაუდი მას შემდეგ, რაც ჩვენთვის ცნობილი გახდა, რომ. მომზადებული დასკვნების მიხედვით მათ ვერ დააკმაყოფილეს მოთხოვნილი ვერც ერთი სტანდარტი, ასეთი ქმედება კი შესაძლებელს გახდის დასახელებული უნივეტსიტეტები აღმოჩნდნენ უპირატეს პოზიციაში და მიუხედავად სტანდარტების შეუსაბამობისა, სასწავლო პროცესი შეუფერხებლად განაგრძონ 2020 წლამდე.

ხაზგასასმელია ის გარემოება, რომ 2017 წელს ავტორიზაციის ვადა გახანგრძლივდა ერთი წლით სწორედ იმ მიზნით, რომ უსდ–ებს საკმარისი დრო ჰქონოდათ ახალი სტანდარტების დასანერგად. შესაბამისად, 2017 წელი მთლიანად დაეთმო ახალი სისტემის პილოტირებას, უნივერსიტეტების წარმომადგენლები სხვადასხვა ფორმით იყვნენ ჩართული პილოტირების ყველა ეტაპზე და ყველა დაინტერესებული მხარე მონაწილეობდა შესაბამის განხილვებში. შეფასდა 4 უმაღლესი საგანმანათლებლო დაწესებულება და 21 პროგრამა 11 სხვადასხვა დაწესებულებაში. 12 უმაღლესმა წელს წარმატებით გაიარა ახალი სტანდარტებით ავტორიზაციის პროცესი.

აღნიშნულიდან გამომდინარე, გაუგებარია, რატომ დადგა დღის წესრიგში სწორედ ახლა ამ საკანონმდებლო ცვლილების ინიცირება, რომელიც აზიანებს სისტემის განვითარებას და ეჭვს ბადებს, რომ ემსახურება იმ ცალკეული უსდ-ების ინტერესებს, რომლებმაც ვერ შეძლეს სტანდარტების მინიმალურ დონეზე დაკმაყოფილება.

ამ ფონზე, მოვუწოდებთ ავტორიზაციის საბჭოს, განაგრძონ შემუშავებული განრიგის მიხედვით სამუშაო პროცესი, ყოველგვარი გამონაკლისების გარეშე, იმოქმედონ ისე, რომ ქვეყანაში არსებული ყველა სასწავლო დაწესებულება იყოს თანაბარ სიტუაციაში.

რაც შეეხება განათლების კომიტეტს, სასწრაფოდ უზრუნველყოს მინისტრის კომიტეტში მოსვლა აღნიშნული საკითხების დეტალური გაცნობის მიზნით“, - განაცხადა სერგო რატიანმა.




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.5%
შემცირდა 11.6%
არ შეცვლილა 2.9%