ჩვენი პატრიარქი ყოველთვის ამბობდა, რომ ეკლესია არის აპოლიტიკური, - ამის შესახებ იუსტიციის მინისტრმა თეა წულუკიანმა ილია მეორეს განცხადებასთან დაკავშირებით აღნიშნა.
მისი თქმით, პატრიარქი ასევე ყოველთვის ამბობდა, რომ ეკლესია არ შეიძლება მხარს უჭერდეს რომელიმე პოლიტიკურ პარტიას.
„ჩვენი პატრიარქი ყოველთვის ამბობდა, რომ ეკლესია არის აპოლიტიკური, რომ არ შეიძლება ეკლესია მხარს უჭერდეს რომელიმე პოლიტიკურ პარტიას ან კანდიდატს. თავადაც იცავდა ამ წესს. ამიტომ მის განცხადებაში არც ახალია რაიმე, არც გასაკვირი და ეს ბუნებრივიც არის საერო სახელმწიფოში, როგორიც არის საქართველო“,- განაცხადა თეა წულუკიანმა.
ცნობისთვის, ილია მეორემ წინასაარჩევნოდ სასულიერო პირებს მოუწოდა, ჩრდილს ნუ მიაყენებენ ეკლესიასა და საკუთარ თავს.
