ეგვიპტური კომპანია საქართველოში პარტნიორს ეძებს. როგორც საქართველოს სავაჭრო-სამრეწველო პალატაში განმარტავენ, პალატას ეგვიპტურმა კომპანიამ „Asfour Crystal International“-მა მიმართა, რომელიც დაინტერესებულია ქართულ კომპანიებთან თანამშრომლობით.
კომპანია 1961 წლიდან საქმიანობს და საკუთარი ტექნოლოგიით შექმნილი ბროლისგან ჭაღებს, კედლის ნათურებს, მაღალი ხარისხის ბიჟუტერიას, სხვადასხვა სახის სუვენირებს და სხვა პროდუქციას აწარმოებს.
კომპანიის ინფორმაციით, „Asfour Crystal International“-ის პროდუქცია ხარისხითა და დიზაინით „Swarovski”-ს ანალოგს წარმოადგენს, თუმცა დაახლოებით 10-ჯერ უფრო იაფია- ნედლეულისა და მუშა ხელის სიიაფიდან გამომდინარე.