სტამბოლში ჩატარებული ანტიტერორისტული ოპერაციის ფარგლებში, ისლამურ სახელმწიფოსთან კავშირის ეჭვით დააკავეს ჩეჩენი მაღალჩინოსნის, რუსეთის ფედერალური მიგრაციის სამსახურის ყოფილი ხელმძღვანელის - ასუ დუდურკაევის ქალიშვილი და თარხან ბათირაშვილის (აბუ ომარ ალ-შიშანი) მეუღლე - სედა. ის გაქცეული იყო სირიაში რამდენიმე წლის წინ. წერს თურქული გაზეთი Daily Sabah-ი.
მისივე ცნობით, ოპერაციის ფარგლებში დაკავებულია სულ ხუთი პირი, რომელთა შორის ორი თარხან ბათირაშვილის შვილია.
ცნობისთვის, „ისლამური სახელმწიფოს“ ერთ-ერთი ლიდერი, "ჟღალ გენერლად" წოდებული, პანკისელი თარხან ბათირაშვილი 2016 წელს თანამებრძოლებთან ერთად ავიაიერიშების დროს დაიღუპა.
