რუსეთში პუტინის რეიტინგი დაეცა. წერს "BBC", "საზოგადოებრივი აზრის კვლევის რუსული ცენტრის" თანახმად.
კვირის განმავლობაში პრეზიდენტის მიმართ კეთილგანწყობის რეიტინგი 5 პუნქტით დაეცა და საშუალო მაჩვენებლით 72,1% შეადგინა. ამასთან რეიტინგის კლებამ მაისიდან 8,2 პროცენტული პუნქტი შეადგინა.
პრემიერ მინისტრის მუშაობა დადებითად შეაფასა რესპოდენტების 38,5%-მა. კვირით ადრე დიმიტრი მედვედევის მუშაობას დადებითად აფასებდა 41,7%, ხოლო თვით ადრე - 45,4%.
ხელისუფლების მუშაობა დადებითად შეაფასა გამოკითხულთა 44,7 %-მა. კვირის წინ მაჩვენებელი იყო 47.1%, ხოლო თვის წინ 52,3%.
ნდობის რეიტინგში 11-17 ივნისის მონაცემებით ვლადიმერ პუტინს ნდობა გამოუცხადა 42,0%-მა, კვირის წინ 45,4%, ხოლო თვის წინ მისი მაჩვენებელი 47,4% იყო.
როგორც კვლევის ავტორები აცხადებენ, რეიტინგის ვარდნა გამოწვეულია ძირითადად ბენზინზე ფასების მატებით და რუსეთში საპენსიო ასაკის აწევის გამო.