22 ივნისს, 15:00 საათზე, ფაბრიკაში "თბილისის ადამიანის უფლებათა სახლი" წევრ ორგანიზაციებთან ერთად მართავს ღონისძიებას "თბილისის ფორუმი ადამიანის უფლებებისთვის".
ღონისძიების მიზანია ადამიანის უფლებების საკითხებზე მომუშავე რეგიონალური ორგანიზაციების თბილისში შეკრება, რათა შეიქმნას ინფორმაციის და კონტაქტების გასაზიარებელი პლატფორმა და საფუძველი ჩაეყაროს მომავალ თანამშრომლობას.
ფორუმზე „თბილისის ადამიანის უფლებათა სახლთან“ საქართველოს რეგიონებში მოქმედი ორგანიზაციები წარმოადგენენ მიმდინარე აქტივობების და პროექტების შესახებ ინფორმაციასა და ბეჭდურ/ვიზუალურ მასალას. ღონისძიება უნიკალურ შესაძლებლობას მისცემს რეგიონალურ ორგანიზაციებს გაუზიარონ ინფორმაცია სხვადასხვა დაინტერესებულ მხარეებს და მოიპოვონ ახალი კონტაქტები.
