მიგელ დიას-კანელი დამტკიცდა სახელმწიფო საბჭოს მმართველად და გახდა ქვეყნის ახალი ლიდერი.
მანამდე დიას-კანელი სახელმწიფო საბჭოს თავმჯდომარის პირველი მოადგილის თანამდებობას იკავებდა. ოთხშაბათს, საპარლამენტო სესიის დროს, ამ პოსტზე მისი კანდიდატურა ოფიციალურად დასახელდა და მოხდა დეპუტატების ხმის მიცემა. რისი შედეგებიც სხდომის მეორე დღეს გამოცხადდა.
ცნობისთვის, კუბის კანონმდებლობის თანახმად, სახელმწიფო საბჭოს თავმჯდომარის არჩევა ხდება პარლამენტის სხდომაზე. ეროვნული კომისია დეპუტატებთან ატარებს შეხვედრებს თითოეულ კანდიდატთან დაკავშირებით, რომლებიც წარუდგენენ თავიანთ კანდიდატებს სახელმწიფო საბჭოს. ამის მერე კომისია სთავაზობს კანდიდატების საბოლოო ჩამონათვალს, მათ შორის სახელმწიფო საბჭოს თავმჯდომარის კანდიდატურასაც, შემდგომ ტარდება დეპუტატების ფარული კენჭისყრა და ქვეყნდება შედეგები.
