"ევროპული საქართველო" პრეზიდენტ გიორგი მარგველაშვილის ინიციატივას, რომელიც გულისხმობს შეწყალების საქმეებში მეტი სპეციფიური და კვალიფიციური ადამიანებისა და არასამთავრობო სექტორის ჩართვას, მიესალმება.
პარტიის წევის, ოთარ კახიძის განცხადებით, "ევროპული საქართველო" მიესალმება პრეზიდენტის ნაბიჯს, რომელიც მიმართულია მომავალში დაზღვეული რომ იყოს ამგვარი გადაწყვეტილებებისგან, რომელიც მანამდე მიიღო.
"თუ ამ სინანულს და შეცდომებს ის გრძნობს და აღიარებს, მაშინ რატომ გვესხმოდა თავს ჩვენთვის გაუგებარია. ჩვენ სწორედ მისი ეს ნაბიჯები შევაფასეთ", - განაცხადა კახიძემ.
