"ქართული ოცნების" დეპუტატები სავარაუდოდ, ერთმანეთს ფიზიკურად დაუპირისპირდნენ.
დეპუტატებს შორის პარლამენტში დაწყებული კამათი ფიზიკურ დაპირისპირებაში გადაიზარდა.
არსებული ინფორმაციით, ერთმანეთს იურიდიულ საკითხთა კომიტეტის თავმჯდომარის მოადგილე დავით მათიკაშვილი და დეპუტატი ირაკლი აბუსერიძე დაუპირისპირდნენ.
ფიზიკური დაპირისპირების კადრები არ გავრცელებულა, თუმცა კადრში, რომელსაც "რუსთავი 2" ავრცელებს, ჩანს, რომ მანდატურის სამსახური დავით მათიკაშვილის დარბაზში შეყვანას ცდილობს.
დაპირისპირების შესახებ ინფორმაცია ჟურნალისტებთან საუბრისას უმრავლესობის წევრებმა უარყვეს.