Fitch Ratings-მა საქართველოს რეიტინგის პროგნოზი გააუმჯობესა.
გავლენიანმა სააგენტომ რეიტინგის პროგნოზი "სტაბილურიდან" "პოზიტიურამდე" გაზარდა, - ამის შესახებ პრემიერმა განაცხადა და აღნიშნა, რომ ინფორმაცია სულ ცოტა ხნის წინ გახდა ცნობილი.
"სულ ცოტა ხნის წინ Moody's სარეიტინგო სააგენტომ გააკეთა საქართველოს საკრედიტო რეიტინგის გაუმჯობესება Ba 2 -ზე ავინაცვლეთ. Ba 3-დან Ba 2-ზე ავინაცვლეთ. დღეს გახდა ცნობილი, რომ Fitch-ის საკრედიტო სააგენტომ საქართველოს პერსპექტივა ე.წ outlook საქართველოსი სტაბილურიდან პოზიტიურზე გადაიყვანა. ასე რომ მარტო ჩვენ არ ვამბობთ ამას, საკრედიტო სააგენტოებიც ადასტურებენ", - განაცხადა კვირიკაშვილმა.
შეგახსენებთ, 2017 წლის სექტემბერში, 2010 წლის შემდეგ პირველად, Moody’s-მა საქართველოს სუვერენული საკრედიტო რეიტინგი გააუმჯობესა 1 საფეხურით BA3-დან BA2-ზე.