აბაშიძე-კარასინის ფორმატი აუცილებლად უნდა გაგრძელდეს – ამის შესახებ საქართველოს საგარეო საქმეთა მინისტრმა მიხეილ ჯანელიძემ განაცხადა.
ჯანელიძის თქმით, ეს ფორმატი არ არის მხოლოდ ზურაბ აბაშიძესა და გრიგორი კარასინს შორის საუბრები.
„ეს ფორმატი არ არის მხოლოდ ზურაბ აბაშიძესა და გრიგორი კარასინს შორის საუბრები. მასში საჭიროების შემთხვევაში მონაწილეობას სახელმწიფო სტრუქტურების სხვა წარმომადგენლებიც იღებენ და ჩვენ მივიჩნევთ, რომ ამ ფორმატმა ძალიან მნიშვნელოვანი შედეგები მოუტანა ჩვენს ქვეყანას, თუნდაც იგივე სავაჭრო, სატრანსპორტო თუ სხვა მიმართულებით. ვფიქრობთ, რომ ეს ფორმატი აუცილებლად უნდა გაგრძელდეს“, – განაცხადა მიხეილ ჯანელიძემ.
