ომანური ავიაკომპანია Salam Air წელს ომანი-თბილისის მიმართულებით იწყებს ფრენას.
ამის შესახებ ავიაკომპანია Twitter-ის ოფიციალურ გვერდზე წერს.
აღსანიშნავია, რომ საქართველოს მოქალაქეებს, რომლებსაც აშშ-ის, კანადის, ავსტრალიის ან შენგენის ზონის ქვეყნების ვიზას ან ბინადრობის უფლება აქვთ, ომანის სასულთნოში გასამგზავრებლად ვიზა არ ესაჭიროებათ.
„ბაქო - აზერბაიჯანი, თბილისი - საქართველო, დაკა - ბანგლადეში, კატმანდუ - ნეპალი.. ისევე როგორც ელ-ქუვეითი - ქუვეითი, და ერ-რიადი - საუდის არაბეთი, ეს ის ახალი მიმართულებებია, სადაც ჩვენ წელს დავიწყებთ ფრენას“, - წერს ავიაკომპანია.
ცნობისთვის, ავიაკომპანია Salam Air 2014 წელს დაარსდა.
