გეტვიკის აეროპორტში ლონდონი-მავრიკის ავიარეისის შესრულება შეყოვნდა, ამის მიზეზი კი პილოტის სიმთვრალე იყო.
როგორც The Daily Mail-ი წერს, ინციდენტი ავიაკომპანია British Airways-ის პილოტს შეემთხვა.
The Daily Mail-ი აღნიშნავს, რომ პოლიცია თვითმფრინავზე აფრენამდე რამდენიმე წამით ადრე ავიდა და ნასვამი პილოტი ჩამოიყვანა.
პილოტის არაფხიზელმდგომარეობაში ყოფნის შესახებ პოლიციას ინფორმაცია ეკიპაჟის ერთ-ერთმა წევრმა მიაწოდა. Boeing 777-ის ბორტზე სულ 300 მგზავრი იმყოფებოდა.
რეისის შესრულება რამდენიმე საათით გადაიდო. ამ ხნის განმავლობაში კი British Airways-მა სხვა პილოტი მოიძია და მავრიკის მიმართულებით რეისი განახორციელა.